আঘোণে আনিলে শীত
ভূমিকা দাস
শীত আহি আঘোণৰ দুপৰীয়া
এৰি চাদৰ খন পিন্ধাই থৈ গ’ল..
আঘোণে লগত চুচুক চামাককৈ
সৰু আলিটোতে ক্ষন্তেক ৰৈ
থাকিল..
কাচিঁয়লি ৰ’দৰ চুমা পৰশত
সোণালী বেলিটি কপালত লৈ
ৰহদৈ, তৰাদৈ ,সোনপাহিৰ লগত সপোন ককাইটিৰ
হাহিঁত আজি শাওনৰ
কেচাঘামৰ টোপালবোৰ ফুলি উঠিছে
শীত কেনি আহি কিয় বাৰু
ঘনে ঘনে আঘোণৰ দুৱাৰত টুকুৰিয়াই…
আঘোণ আশা আৰু হেঁপাহৰ সোণালী মিচিকি হাঁহি
নষ্টালজিক হ’লে আবেগ আহে
আবেগ আহিলে অশ্ৰু দুগালে নাহে..
তুমি আহিবা বুলি ক’লে
শীত আহে পপিয়াতৰাৰ সতে
তুমি আহিবা বুলি ক’লে মনৰ খোৰোঙত চাকিটি জ্বলে…
সেই চাকিৰ পোহৰ ঈষৎ হালধীয়া..
কিছু সোণবৰণীয়া…
Doksiri দকচিৰি, ডিচেম্বৰ, ২০২৩
No comments:
Post a Comment