ÍSÍNG AMÍNG

 ÍSÍNG AMÍNG 

 

Anuj Yein

 Ísíng ammí:ngém appíngéi ledo, Ísíng ammí:dé sidé mo:di:so du:mílo abako nguluk tani:taka:mé ngasodé Janaya. 

    Dépila, se:kai ísíng asongko té:mí:lo sonyingko lepé lagidag. Ísíng du:mí:lo tani:yé du:yé, Ísí:lok ngolu apí a:yém, par-nam sanné ísíng, ukum monapé, atí atí pa:dung. Dokké, aré kané ménggappénam agomko sidé mo:diso oxygen gesdém pa:la appíngé turnan lamtéko ka:begla asin mé:yarra dung. Dépila, ngoluk takamé méngkin sutoka - abu  ru:yi:dok ísíngém tégyoka, Lé:sila tégla koyoka, bulu ngoluk dungko okum, aríg amongém la:tumna pargabla du:bo:dag. 

Lupé lumílo, Ísíngké lang assé ngolum turmonan lamtém kangkanpé gíyarbodung. Ísíng amí:sé:mam, takam réngamé sidé mo:di:so  turra du:ma:yai.

     Dokké, símín síro atí atí kamayai. Dépila, agomko kadung, Akoné - akoném ngasodém gídum ka:dumsula  mopídla, bí: nom, no:ngom asin dígla ka:paru:yé. Turdag ayirso akoné-akoném ayang bika:mínsu:l lékopé réngam lusula tani:kisa:pé turnamsé turgodé. Sémpésin do:nyingko dung, Ísíng du:mílo pédongé oye, pédongé omílo arígé aiyé, arígé aimílo réngamé turyaryé.

   Dok léga:pé siloké longkílokké ngolu appíngéi pesupé émmumpé Ísíngém té:ma:bong. Mg. Jadob Payengké aine agerdém ka:yirsula no, ngolu appíngéi bík lékor dakolo damín kílai, Ngoluk sido bharot mo:rumlok bí ngoluk mí:tane ísíng ammíngko. Bík agerém, aminém ngolu turyarra dumopé.

Doksiri দকচিৰি, জানুৱাৰী, ২০২৪