NGOK BAU

NGOK BAU

                  Bijoy Bori

 

Réngam ager gerra 

Do:lung réngamé kangkinnam tani:ma

Ngok baubí 

Kébang kélu:lo du:la

Tatpope agom lujo:né tani:ma

Ngok baubí

Ro: píangém ka:la 

Yubko asublokké darobla 

Aríg gíne taniyé ngok baubí

 

Réngamlok appíngé kangkinmanggom 

Do:lungém ainé agerko gerbila 

Appínge mé:pa:manggom 

Ngok mé:tinsunam, ka:tinsunamé

Ngok baubí

Bottépé do:nyé ka:yémílo

Ígyumdo du:tinsukko

Bottépé pédongé oyémílo

Po:yup kísapé duktinsukko

Do:mír-yariyé yarmílo 

Adi: kísapé daktum binné

Ngok baubí

Ngom amik darmoné 

Ngom usa: bísa:né

Ngom lo:dípé luyirné 

Ngok baubí

Gíne 5 Disembor (2023)ro: 10 díbígdo

Édílosin gílatkuma:nam lambélok 

Ngolum mége:la gíkangku

Ngok baubí. 

Mo:písé do:nyé oa:la 

Kémo ka:némpé

Ngo ansudung

Su:pak ngok mittub tayé:so

Okkosin katokuma 

Ngom do:nyé ka:yépé

 Pédongé okadyépé

 Ésaré sarro yépé 

Su:pak ngom 

Lusí: lumoné katokuma 

Kéno:la du:daggom 

Kangkinné katokuma:bo

Ngok mé:dírém su:pak sé:kom lubisuyén

Ngo mé:pomílo sé:kom léngkansuyén 

Ngasod a:mílo sé:ko pía:né bédangko léngkan biyén 

Ngo su:pak rokpan porogémpe 

Siyap siyap émna kabla turpé ikang.

Doksiri দকচিৰি, জানুৱাৰী, ২০২৪