SUPAK DO:NYÍ GULUBNÉM KINSUMANÉ DETEPÉRÍNGÉ
Karsang Takar
(Ajon Bhobesh Taíd-ké alaglo tolígla)
Ngo detepéringé
Eddíkoi donyíbí gudopé kadakggom
Domíré Yaríyé yardaggom tangadné pétangé.
Do:long gillipé Ila nitom to:mla ko:ungpé déngayékumílo ngo okolo du:yén
Nok sípín dumsígdé pédong o:la osa:la
Baríkangpé íla léngkan subíyékumílo
A:m amdang a:ralok yumdéng ayírdok
Kugro:bogbogpé Ila jéngayékumílo
Ngok asín sém okolo lésíyen
Lékoda asín sém ayang poyublo puyut míloka.
Ngok Asinsé lyong pololokké mítané ísíngmang
Gínmur poloké aríngné ísíngé
No ajjouko koyémola bérkodlasula yírmíloi le:ne léjíkla dírsodné asín ísíng.
Émpíla po:sodakku ,aína lékoda lu:apoyokuka
Ngolu yumrang arangolokké okangnanla donné
Bojarolokké di:lab ma:kung ma:la donémang.
Émdagom aro asínki aípé méyé émna
Amigdokké lé:polopé takkam sunaném sortungai,
Ru:puném ru:tungai yérunglo koklígnam légané
Doksíríém rítungai lípodokké géyumyépé émna,
Odokké....
Oiyo karpumké alagkokki mo:sanam egelosín
Ngonyí ayangé ako akopé mímangpé rímotungai.
Émpígéla nokké lamté gíkodé adi adi kokkénlo
Ngok gíko lamtédé ané rago rago kokkénlo
No supak bérkodsula kayémíloi
Lekedokké pímugpé ayang nítomé mokín kumabong
Ngo supak detpéri pétangé ansíné agomkokkí
Gogdakgom yérung rubéné
Yarí yardaggom donyíbí gudopé ka:dakgom
Kabíg ta:tbígmané detepéríngé.
No comments:
Post a Comment