অংক জংক পকং
আগমনি ফুকন শইকীয়া
খোজত
ভাৱনাই মৌ চুহে
পথাৰত কলমৰ খোজ, থৰকাছুটি হেৰায়
সত্য বাস্তৱ
অসত্য পৃথিৱী
চাৰিওফালে
বিৰ দি নোপোৱা বাট। হেঁচা-ঠেলা,
পিচল বাট।
পথাৰৰ আলি কাটি
মাছুৱৈৰ
জাল_জাকৈ_ঠোহা_চেপাৰ
লাইন লাইন শাৰী
তল-ওপৰ
ওপৰ-তল, তল-খুচৰীয়াৰ নানান যুক্তি
তুলাচনীত আচলতে থাকে কি !
আখৰ নে শব্দ
দল নে সমদল !
অংকই খোজকাঢ়ে। হাত তালিয়ে খাল খান্দে
তাতেই পিচলি কঁকাল ভাঙে
সময় যে নিৰুপায় !
মিলিলে তাল
নিজলৈ ভাল
নহ'লে কবিয়ে কোৱাৰ দৰে
"আপোন ভালেই জগত ভাল"
কথাষাৰ হয়নে নহয় !
নহয়নে হয়
মোক নুসুধিব
মোৰ বাবে অংক
এতিয়াও জংক-পংক
Doksiri দকচিৰি, ফেব্ৰুৱাৰী, ২০২৪
No comments:
Post a Comment