NGOMSIN SORÍG SUTEIKA

 

NGOMSIN SORÍG SUTEIKA

Digen Taid

Majuli

Késung ngé:pé ngé:néko

Ngo tarjeb jebla inéko,

Alab molík sula:yam

Do:mír dé:sa:p mé:néko.

Gíta gímasul gíkídung 

Kéík taléng kinsuma:p,

Data damasul dakídung 

Gíra sukodé kama:dung.

Ajon arung bojegdung 

Mé:tin sunam Kamal dung,

Mé:yudlígné abal dung

Ngasar sukko kama:dung.

Bérra ka:yém bérpí:dag

Gíla gípí: lang-kumang,

Jé:la gogyém gokpí:dag

Gognam gorík sukumang. 

Nouéi bérkut sukítéi 

Ngokké  dígnam kang-kítei, 

Sima:p turra dung-koso 

Nokké ru:yil du:mínpé. 

Se:koi ansík ko:rígla 

Kang-kin ma:pé idaggom, 

Nokké alak so:nyidog

Ngomsin sorík suteika.

Doksiri দকচিৰি, মাৰ্চ, ২০২৪