DÉPÍ A:NÉKÉ GOMPODÉ

 DÉPÍ A:NÉKÉ GOMPODÉ

                                                         Anil Mili

Dí:té di:rung korong sikurlok

Bil-lena gíné ojingo:pé toklenné

Dépí a:néké gompodé,

Kémmo pí ang kinsuma:pé

Bittí:la gíla bittíla gíla

Dépímuk do:lulo mímbír bírné

Dépí a:néké gompodé.

Nok dumsígé ayang appuné

Mé:po ésaré sargola....

Abo: tani:ké érangé í:r-pongkíré

Dépí a:néké gompodé.

Sulli pottalok sa:né jauboné 

Amik Ara:bop unala: yirna:mé

Dépí a:néké gompodé.

Aku dítakgém léngkutsuge:la

Anu dítakgém borígsudung 

Mé:dír alamém tírsodge:la

Mé:po mirém rémdung

Dépí a:néké gompodé.

Doksiri দকচিৰি, ফেব্ৰুৱাৰী, ২০২৪