স্বীকাৰোক্তি
পাপু মজুমদাৰ
নগাঁও
অস্পষ্ট হাতেৰে
সময়ে লিখিছিল
সময় নোহোৱাৰ কথা,
বৰষুণৰ ভিৰত
মই যেন নীৰৱে হেৰুৱালো
আমাৰ নীৰৱতা....
সৃজা,
তুমি আৰু মোৰ মাজত
গঢ়ি উঠা দূৰত্বই
আজি আকৌ যেন চিঞৰি ক'লে-
তুমি মোৰ সপোন আছিলা
আৰু
মই তোমাৰ বাবে খন্তেকীয়া
প্ৰয়োজন,
আমাৰ মাজত একোৱেই নাছিল
যি আছিল
সেয়া কেৱল মিঠা প্ৰলোভন--
সুন্দৰ লেফাফাৰ আঁৰত
এটি কুৎসিত মন,
আন একোৱেই নাছিল
তোমাৰ মাজত....
এয়াই মোৰ স্বীকাৰোক্তি
তোমাৰ বাবে ধ্বংস কৰা
সময়ৰ ওচৰত !
Doksiri দকচিৰি, মাৰ্চ, ২০২৪
No comments:
Post a Comment