.jpg)
চঞ্চল বতাহ
কৰবী গগৈ দুৱৰা
দুলিয়াজান, ডিব্ৰুগড়
চঞ্চল বতাহে ধূলিয়ৰী বাটত
ফাগুনৰ ৰহন সানিব,
এতিয়া যেন চৌদিশে
আমোলা-মোলাই বিয়পি পৰিব
ফাগুনৰ আৱিৰৰ সুৱাস।
উন্মুক্ত বলিয়া ফাগুনৰ পৰশ লাগি
উন্মনা হৈ পৰিব মন
কি যে এক মিঠা অনুৰণন।
ফাগুনৰ চঞ্চল বতাহত
বিৰিখৰ শুকান পাতবোৰে
বতাহৰ ৰাগিত হালি-জালিকৈ নাচিব।
আৰু
প্ৰকৃতিৰ আচ্ছাদনত উতনুৱা হৈ
ফাগুনে কঢ়িয়াই আনিব
এজাক প্ৰেমৰ বৰষুণ।
Doksiri দকচিৰি, মাৰ্চ, ২০২৪
No comments:
Post a Comment