YASÉNG

 

YASÉNG

              Joya Medok Doley

                                 Jorhat

Lígangé a:du:bong

Do:lung réngamé

Í:r-pongkír sa:du:bong

Yasénga 

No mé:pa:sudu:n

Mo:té:p du:la 

Lígang po:lom 

Mitpan sudu:néi

Noluk do:lung 

Lamté ísíng appun 

Péiyi-péttang 

Abung asi 

Ya:yo-ta:to 

Ajon arumé 

Toya:la dung

Yasé: nom

Taon lok 

Gélodém géla

Ngoluk egé-gasorém 

Mitpan dungkunéi 

Alagdo konggem gélangkul

Lakpun pagnamém 

Mé:nyok dungkunéi

Dumudém pu:npé 

Buyin sumola 

Dumpun líksu tokuma:néi

Yasénga 

No mitpan suma:pé

Rangkob do:lung lígangém

Gumrag so:namém

So:yir sudu:bo 

Yasénga 

Mé:tombí sinying 

Éddíko mé:pomang

No gíkuma:l 

Nok gépénam 

Yakan egedém

Pirra mébitung ya:yobí

Lomna gítoku 

Toya:l dung 

Murong ukumsé

Dumdum lu:pi: bomna.

Doksiri দকচিৰি, মাৰ্চ, ২০২৪