বসন্তসেনা
গায়ত্ৰী দেৱী বৰঠাকুৰ
শোণিতপুৰ
বসন্তসেনাই জানে
ৰূপকৰ আত্মজীৱনীত
কোনো সোণৰ হৰিণ নাথাকে
অথবা
নাথাকে কোনো প্ৰতিমূৰ্তিৰ স্বৰ্ণসীতা
বসন্তসেনা
প্ৰ'টাগনিষ্ট
জানে
কোনো অভিজ্ঞানে বজাব নোৱাৰে
আমাৰ অৱচেতনাৰ এৰ্লাম ক্লক
(দুই)
মাটিৰ গাড়ী এখনৰ বাবে
বসন্তসেনাই সহজেই
নস্যাৎ কৰিব পাৰে
সোণৰ জিকমিক আৱেদন
বুকু ফিন্দাই নিবেদন কৰিব পাৰে
সাঁচতীয়া প্ৰেম
ধুমুহা সামৰি বসন্তসেনাই
পাতি দিব পাৰে সুখৰ আঁচল
(তিনি)
বসন্তসেনাৰ টাইমলেচ বিউটিত
চগা হৈ জ্বলে এজাক শগুণ
বসন্তসেনাই জানে
পান কৰিব জানিলেহে
জীৱন মদিৰা
নহ'লে
সব বকৱাস....
(মৃচ্ছকটিকম্ ৰ নায়িকা বসন্তসেনা।)
Doksiri দকচিৰি, মাৰ্চ, ২০২৪
No comments:
Post a Comment