BÍRDUG

 

BÍRDUG

                  Digen Taid

Líglen lígang gíyokang 

Singgi appun punyokang 

Gallíng po:loké ría:do

Gipag a:yé minyébong.

Sí:lung ísíng tu:yi:do

Sarné ansí:n ésaré 

Murné kampon gimurém 

Daktog dagdup sarbomdung. 

Tatpon gomug molígla 

So:yub dénggol kabbidung 

Asin rong-ki: rong-ki:dop

Ti:dop ni:tom mobidung. 

Pakkom pagbung kaba:dung

Bírdug gírík subidung 

Anu dítag a:bidung

Néi néngan nganbidung. 

Kombong po:lo a:du:bong

Kombong appun pundu:bong

Anu attar gége:la

Lotta so:man manyébong.

Doksiri দকচিৰি, এপ্ৰিল, ২০২৪