LO:TU YARI:
Mg.Bhobo Dole:
Tukunang pékogné Nomenbí ao Tamenmé porimonam ma:nying ma:bomna mipag ataido léngge:la porimoto.Bí dítag tagnyiko dungge:la metrik ankangém 84% pa:la pokurto.
Do:lungé bím yaddumsula boríksuto. Dole: mastordé:sin kangkanpé bím luyir agom lubito. APSC, NEET, IIT, JEE ankang pokurpé émna asin ara:bo pesuge:la poripé lagiye émna lunamdém bí asinbokki toríksudung.
Lo:níd lédupé migomé binam lí:né iskutidémsin bí pa:to.Pa:la bí aipé mé:pokang.Ainé-aiman ajoné bím takepé keba:bomkang.Simad dorkangémpé bí:sin madgongkang.
Adong mumné longéko.Bík ajon kídí:dé Sibo mondirdo Siboratri moí:rla dung. Bímsin ajon kídí:dé goksula mondirdo:pé gíato.Tíngge:mang émdaggom ju:rpé bím bang tí:moto.Tíngge:la bí iskutidém isterto.
Méyappé yabla bí dugdokulo mí:tan ísí:do tummínsula lo:tu-yari:pé gíkangku.Lo:tu:né sima:dém gonggabla abudé kabla dungkang.
No comments:
Post a Comment