জীৱনৰ গান
সুৰজিৎ ভূঞা
মেটুৱাকুছি, বৰপেটা
শুকুলা আকাশে আশাৰ বতৰা দি যায়
জীৱনৰ মহাযুদ্ধৰ সেনানী হ'বলৈ।
জীৱনৰ গান এটা সুহুৰি মাৰি
গাই যাওঁ জীৱনৰ শেষ বেলালৈ।
আলোকৰ গীত জুৰে শুকুলা চৰাইজাকে
ডেউকা কোৱাই মহাযুদ্ধৰ জাননী দিয়ে
জীৱনক জীৱনৰ বাবে।
ফুলবোৰৰ মৃত্যু হৈ সৰি পৰে
জীৱন মহাযুদ্ধৰ শত সহস্ৰ আঘাতৰ মৃত্যুৰ ৰণস্থলীত।
মানুহবোৰ মৰি মৰি জী উঠে
জীৱনৰ গান এটা সুহুৰি মাৰি
মানুহবোৰ মৰি যায়
জীৱনৰ মহাযুদ্ধৰ ক্ষত বিক্ষত আঘাতত।
আধৰুৱা হৈ ৰৈ যায়
বহু গান এটা জনমৰ।
Doksiri দকচিৰি, মে, ২০২৪
No comments:
Post a Comment