তাই নাৰী
ববিতা দাস
তামুলপুৰ
হাজাৰ ধুমুহাটো ভাঙি নপৰে
তাই নাৰী
বুকুৰ কোলাহল বুকুতে লুকাই নীৰৱে জীৱনৰ বাট বুলি থাকে
তাই নাৰী
আপোন বোৰক সুখী কৰি তুলিবলৈ
আপোন বোৰৰ প্ৰতিটো ওজৰ আপত্তি পূৰাবলৈ
নিজক হেৰুৱাই থাকে
তাই নাৰী
কেতিয়াবা তাই বোবা কেতিয়াবা কলা-কণা
তাই জানে জীৱন জীয়াই থকাৰ কলা কৌশল
তাই নাৰী
আঘাত পালেও
নকৰে সহজতে প্রত্যাঘাত
লুকাই হাঁহিব জানে
জানে কান্দিবোও
মনে চুই থাকে আকাশ
তাই অৰ্ধ আকাশ
তাৰপিছতো
শিপাৰে খামুচি ধৰি থাকে মাটি
তাই নাৰী
তাই নাপাহৰে
তাই গতি।।
নাৰী এক বোৱতী নদী
তাই শান্ত
তাই মৌন ।।
ধৈৰ্যই সীমা পাৰ নকৰালৈকে
পাৰ কৰিলে
তাইৰ বুকু খহাই নামি আহিব বান
নিমিষতে খহি পাৰিব
পৃথিৱীৰ সমস্ত আৱৰ্জনা
তাই নাৰী
বুকুত বৈ থাকে বিশাল নদী ।।
Doksiri দকচিৰি, মে, ২০২৪
No comments:
Post a Comment