তুমি যোৱাৰ পিছত
নীহাৰিকা মজুমদাৰ দাস
ভালপোৱাক ভালপোৱাৰে পাবলৈ
ডাৱৰবোৰ গুছাই দিব লাগিব
ভালপোৱাক ভাল লাগিবলৈ
এজাক শিলাবৃষ্টি লাগিব
পদূলিতে গুঠি থোৱা মকৰাৰ জাল
আৰু
মন গহনৰ মনত থকা কথা
আঁত হেৰুওৱা চেৰেকীৰ সূতা
একেই কথা
ক'তনো বিচাৰি পাম চিৰ প্ৰৱাহিত ভালপোৱাৰে ভালপোৱা...
বাসন্তিক কোমল সেউজীয়াৰ আঁৰে আঁৰে
ভালপোৱাৰ ডাৱৰ ভাহি ফুৰে
ভালপোৱাক ভালপাবলৈ
শীততো ফাগুনে পুৰে!!
Doksiri দকচিৰি, মে, ২০২৪
No comments:
Post a Comment