.jpeg)
চেনাই ধন মোৰ
শিৱ প্ৰসাদ ৰাভা হাদু
ছাটাবাৰী, গোৱালপাৰা
বিহুৰে বতৰত চেনাই ধন আঁতৰত
ৰ’ লাগি চাই থাকো দূৰৈৰ আলিবাটত,
আহিম আহিম বুলিও আহিব নোৱাৰি
মোৰ কাষলৈ মোৰ চেনাই ধন মিলিটাৰী৷
ৰৈ আছোঁ মই তোমালৈ বাট চাই
আহি পালেই হিয়া উজাৰি দিম চেনাই,
তোমালৈ বৈ থোৱা মৰমৰ দীঘবাণিৰে
বোৱা বিহুৱানখনি,
তুমি আহি নোপোৱালৈকে চেনাই
লৰচৰ নকৰোঁ এক ইঞ্চি ইফালসিফাল,
হেজাৰ বাধা-বিঘিণি,ৰ’দ- বতাহক-বৰষুণ
আহিলেও নকৰোঁ পৰৱানা৷
চেনাই তুমি যে মোৰ হিয়াৰ প্ৰাণৰো প্ৰাণৰ
তুমি বিনে মোৰ জীৱন অপূৰ্ণ,
সৌৱা আহিছে ৰেলগাড়ী শুনিছোঁ উকি
দূৰৈত ঝক ঝক ধ্বনি প্ৰতিধ্বনি
মোলৈ আনিব গলধন,গামখাৰু আৰু এবুকু মৰম
চেনাই ধন মোৰ প্ৰাণৰো প্ৰাণৰ৷
Doksiri দকচিৰি, মে, ২০২৪
No comments:
Post a Comment