KA:YUM

 

KA:YUM

                Someswor Médog

Kangkané ka:yumé

Mé:bomsunam mo:pisé ka:yumé

Ésar bi:bié ngoluk do:lung

Du:po dungané. 

Télé: lí:san do:nyité

Kangkané ka:yumé

Yummém po:lo loladdé

Yepo yengané.

Kombong po:lo a:yem

Daktog e'sar anpo:é

Néi néngan ngansanam

Ka:poi kangané. 

Ke:dang appun ka:yumé

Jo:jog punnam ka:po

Anéké lotta geyom geyomnam

Ka:po, anpo, du:po.

Kangkané ka:yumé 

Ri:bi-gaseng kangkané 

Segreg gégel

Gumrag so:nam ka:yumé.

Doksiri দকচিৰি, মে, ২০২৪