TURNAMSÉM NO

 TURNAMSÉM NO

                    Tuniram Médog

Turnamsém no

Dépémumpé mí:yok 

Turnamsém no 

Ma:nyingémpé mé:yok.

Turnamsé lo:nyiongko 

Turnamsé Dígínlok 

Oledné ésing anné émla- 

Dépémum mí:daggom no,

Gerpéru:nam ageré bojeko

Duggo:dung turdaksiméi 

Gíbídné ayirém Kétínsula 

A:péné ayirém Ka:la.

Turnamsok ayiré 

Gitídung totédma:pé, 

Ayir épuglo yi:mínla no 

Jubné agerko germílo 

Jubné agomko lumilo- 

Kíngab la:ma:nam sagídém 

Edílo:sin gípa:ma:ye no.

Turnamsém no

Dorsam samné émémpé mí:yok

Turnamsem no 

Apagdanpé mí:yok, 

Akonké mí:namdém 

Akoné míngkin bosumílo 

Asiné asiném omín sumilo

Turnamsé nok míngkamdémpé Edilo:sin yuptabla du:ma:yé.

Doksiri দকচিৰি, জুন, ২০২৪