BÍ GÍLADDAKKU

 

BÍ GÍLADDAKKU

(Agom Migang Tabu Taídké sidolok kumtomko)

                                  Jiten Noro

Alongém kede:pé mola

Oné anéké aín amo:lo

Géné oi-ni:tompé jarpé mé:la

Lu:jarém mékutsuge:la

Bí gíladdakku aíké do:lu:so:pé.

A:né kamag pa:la jarsa:né guyikpé

Nambu:né ma:myíng aríko namgo:la 

Bí obonoriyém gíkongkang.

Obonori gíbadla Bornoi,Gongga 

Dokké Ga:ném gíbadla Thems a:nélo:pé pí:to.

Alag lakpodo bí ma:nyingém lakpumto.

Édé ma:bomsunam ma:yídé bím 

Mitubdo kuhinurém pídlígto.

Suktamlok romngadnam

Abutani:ké gomugdém kadlen kadlenna

Lékoda ngoluk nappang-nabberso jarsa:mokuné 

Agom Miga:bí gíladdakku

Mé:bomsunam mo:diém ni:yatkakupé

Be:lenma:n nabberdo umbomna turné bíni:ki. 

“Asi jili jili:ko miksi jili jili:ko

Asi jili pínnyépé miksi jili pínpémang…”

Ka:toka !

Sé:na, bí yuba:du:né 

Mittubdém amo: na:néké ayang angké:do mége:la

Bím aipé mé:né takamké lakpo: lakpo:lo jarsa:dung

Miksi jili:dok unné ni:tomé.

Doksiri দকচিৰি, আগষ্ট, ২০২৪