MÉ:DÍR YUMÉLOK APPUNÉ NGO
Oboni Mili
Gínamumko émna gítíla dung
Ngok mé:dír-mé:po molusuko
Indur tídbu:suné lamtélok.
Gítília dung ngok turkosok
Sé lamtí:sém sanggabla,
Gítíla dung ngo dé:la gíné adí silalo.
Mé:písula:ma:nam mé:yad-gu:yad yadnamém gombomsula.
Sé lamtí:so ríksuto
Abarungko kangkinnam-kangkinma:nam tani:ém,
Silo émpige:la
mé:pangkumang
Éddíkoi ríksutosong
Éddíkkoi gípan-mépan sutosong.
Édílai édílai
Ma:nying gureyé ésarpé sarra dukpagbomdag
Ngok asin yubbiyém,
Abarungko agomé pínna du:pakkang asin bogra:bo.
Gíbídné longélok agom kídí:dém
Béyag béyakpé asinang odag.
Turradung silo appíngké mé:pom tíkumsula
Kamang ngokké adí-ayiré
Amiké lumem-luyadém tadgo:mínpé.
Orpansubipé ngo silo
Ngok aro ayangém
A:péné turgo-sigo agomém mitpanna
Doksiri দকচিৰি, আগষ্ট, ২০২৪
No comments:
Post a Comment