TABU ABUBÍ SILA
Dr. Konok Sondro Dole:
Do:nyí aném ka: tokumang
Po:lo abum pa:tokumang
Sarné ésar du:tetkang
Duktíné addé ngettetkang.
Punné appuné puntokumang,
Mé:pol po:píré dé: tokumang,
Péiyi péttangé kaptokumang
Mo:píké asin mé: potokumang.
Arsi kané peraara:do Abubí ségriyo:pé yubla dung
Kampon seleng gasorém
Bík tayé: do po:liktung.
Ansí:né amírdo gasorpé po:líktung
Lí: né géné appuném,
Banji appunlok ri:nam doksiri:ki
Sorkomtungtaléng kéíg kinma:pé.
Lébí: tuma:l kumníkto,
Mé:dir miksiko dilikto,
Mé:pol du:lang ui amo:bo
Asinbokki mé: líkto.
Agom miga: bí katomang
Ngolum du:yarbitomang
Gompir kumsung adge:la
Mosi:langka émtomang.
Abuk binam abígém
Mosí momol lé: toka
Opín pu:po jarpodém
Yumdi ro:díp mé: toka.
Abuké gerngad agerém
Auo gerbomtobongka
Sé bottén mo:píso
Kinggin opinpé battoka
Abu Tabubí sidaggom
Among ara:do du:daggom
Mising asin takamlo
Appunpé punna du:yaryé.
No comments:
Post a Comment