Ngo Du:ma:lang
Raj Tilak Medok
Guwahati
Silo nokké da:ro midang do:jigdém pa:tung
Nokké midang longéso mímbír-ya:meyé
Í:r - pongkírpé dumdum dumpakki yamríksuyépé
Odo ngo.................
Ngo kémmo jíng émné soyardo
Nokké da:ro midang do:jígdém ka:la dung
Dumpang gonggapla rongngam pésampé
Atéré dung silo..........
Miksi a:né biddung.........
Nokké midang yamríksunam tatpasula
Silokolokké ngonyik ayang légodé dírsodyébo
No amipé ipakyébo
Ngo atéré térpayébo.........
Minomé gídupé
Boríksunam ageré kadupé
Nokké ayiré kamapé
Anu ajon pa:la
Turnam bélam do:ying kíla........
"Ngo du:ma:lang" émna nok lunam agomdo
Dungngai abaru:ngko mé:tinsunamko
Mikjémgelasin aropé mé:rasunanéko
Ngo silokolokké ikangkubo
Lamtélok ríksunam ajonpé
Kangkinmanam mo:téng ajonpé.....
Doksiri দকচিৰি, জুলাই, ২০২৪
No comments:
Post a Comment