RÉNGAMSÉM O:KO BILAYEN

 

RÉNGAMSÉM O:KO  BILAYEN

Nirmol Noro 

   "Agom ya:yab lunamdémyang agerko gerbonamdé aiya:dag. Réngamé Nom toya:l dung agerko gerbonam léga:pé."No ngolu agomémong lula du:ma:pé kosag kosagpé agerko gerra gíbolado.Réngam ager gernané asindé nokké.nok asindé édé agerardém gerpé ímmílo gerrado.taniém odannai oté:lígmang se:ko kapé iyeji. méngkíé kamílo gerrama:mé kamang émdo.Tanié tani aru:pé sé Mo:píso turra du:pémílo atégpé aíkísa:pé agerko gerra turpa:ruye.édé turnan bélamdé- Aríg Ísíngko ila,tarnamko tarra,Migom agerko gerra,Tíka tíkuliko mola, Longé ajirangko mola,Rajnitiko mola atí- atí édémpé mola tanié turra du:Nan bélamko sabsupa:ru:dag. Tanié dola tí:la turra du:namo:dé turdugmang émla kinné kídíngé ludung."Ngolu dopé émna turdu:ne,turra du:pé émna dodu:ne.édé agomdém gasum dítag po:pébong MK Gandhi bí lula gíkang." Turra du:do arangí:so ngolu réngam agerkosin gerra gínamdé kaboné ainé agomé.réngam sém Ngo o:kosinei bilamanggom réngamém asinang odag,réngamém aipé mé:dag.edémpé réngamém aipé mé:nam arangí:do réngam agerko gerkídung. Mitélok lukampé Lagpénam alagém lakkídung,korpénam dakorém korkídung.Agom Dírbísém aipé mé:la  agom loglang Dírbílok ager gerné kísa:pé (সাহিত্য-সংস্কৃতিৰ কৰ্মী হিচাপে) ngok kinnamo dém gerkíla gídung.Mité Gomlab pé lang Dírbílok Néríng Ni:tom tuli Mo:punpé imanggomsin Agom Dírbísém asinang odag.aipé mé:dag. édé aipé mé:nam, mé:bonam kídíngém alag pasagpé kébang ba:yemílo, ili ikam, dírbí- dírrab bírkolo bírmín gímínla Agom Dírbísokké pu:po jarponamko, írroinamko mé:lígdo No Ngo abí:né kísa:pé sí:sang Ope:ém  oko lamtéko léngkanyen.oko kinnamko lubiyen.oko Mimang alamko léngkanyen.okodé aiding.okodé aima:n  se:ko síggabla léngkanla lubiyen. Ngolu gíbanné rémné réngam opínkopé ila tura du:nam léga:pé opín léga:pé,réngam léga:pé kapiné agerko gerpa:yen,gerbomílo aidon édém Takamine o:rí:pé mé:mi sagmipénam ayiré. Mo:písok du:né takam tanilokké,takam opín réngam lokké aí aíké Agom Dírbí,ili ikamé kasudag. takaméi kindo aíké Agom Dírbí é kasuma:mílo opín ako sé Mo:píso turra dung émla kapésin lusula:mang. Agom dírbí kama:né opíndé turra du:daggom sinamémpé idag. Kapéné aíké agomdém lusuma:pé angu  agomlok lula du:namdé aíké agomdém moyutsula simonamé. Sémpin ayiko silo a:dung Mising Agomsé Mo:písokké yogyebong émna UNESCO é lutíbila du:dag ara:so:sin  No Ngolu Mising Agomsém kapiné golunglo:pé jo:bompé émna madu:n sé ngoluké bottéruné tauko. (সেইয়া আমাৰ বৰ ডাঙৰ প্ৰশ্ন।) pa:pénamém  ayir du:dagso sém mosi sulama:mílo me:lampé sí:sa:né ommang takamé se:kom  ngasodém sutkanyen.কাৰ  বাবে এটা স্বকীয় ভাষাক হেৰুৱাব লগা হ'ল। আমি একোজন অতি ক্ষুদ্ৰ প্ৰাণী মাথো। আমাৰ জোখাৰে আমাৰ কৰণীয় যি যি পাৰিছো কৰি যাবলৈ চেষ্টা কৰি কৰি গৈ আছো। সঠিক কামৰ ৰূপায়ণ সেইয়া জন গণৰ ওপৰত। supak ngolu a:ye néríng agomlo:pé.opín ako turra du:nanélok Agomdé akorung. agomdé ngoluké sina turnané.ané agomkipag asin agomém lusarsuladag.agomsém turmopémílo pogolo pokainém bipa:ye migomé.édé Bharot runggo potinlo kadung.Aíké agomsé pu:po jarpopé adné lenpa:ye, potin poné kapa:ye . délopag Agomé pu:po jarpola turra du:ye.ngo réngamém okai biladung émla mé:sumang.mé:sudung ngo réngam léga:pé okai gerra gídung émna.sé ngok gerra gínam sok arédé réngam ara:lo:pag.adné kísa:pé adnamém adlango gímang odo lédulo alag pasagpé agerko gertélapag gídung. ka:né asagé ka:dung. Kinné asagé kindung se:ko kapiné agerko gerbola gídu:ji.

Doksiri দকচিৰি, জুলাই, ২০২৪