ANÉ AGOM
Someswor Médog
“Ammem lula o:k pa:yen ataya, silo ngo aíém inka:sula ka:toném ka:beksudung gíné íying dítaglo éddíko ngo Mising agom ainam légangé gomsar attoji, appídéi ‘English’ démam Okomiyang agomlok adnamé. Professor Roton Pé:gubí luto.
“É:lo, lugabdung no ataya, arro agomdé. Ngolu ammem luyirdo ané agom Mising agom lulang, adlang, potin polangka émna émpige:la aíé poma, adma. Aropé anying sukandag.”
Ajon Ngebor Médogbí luto.
“Iskul-kolejlo poné ko-konéngém Mising agom kapila polí:man émna ge:do. Émpigel ngolu abínékídaré ngoluk abígéméi kangkanamma.”
“Adné kídíngé ané agomlok adnamé potiném poka:né kama:la, réka:né kamala ya:pagamdag. No-ngoi pomam, admam kapé agomsé tuyaruen, kapé pu:po -jarpoyen ?”
“Ngolu ‘English’-lok o:koi adyemíloi airupé kinnémpé mé:sudo, béttésudo, aipagnémpé go:tusudo. Odok anéké agomlok gomsarko adma, do:déng, do:yar adlímang.”
Doksiri দকচিৰি, ছেপ্টেম্বৰ, ২০২৪
No comments:
Post a Comment