TANI: SÍ:ANG
Cheniram Panggíng
Re:l dé Station do:pé dukpí:pé ayirésin du:da. Tani:dé Re:l dém todírra Station dok Waiting Ru:m do:pé gíto. Waiting Ru:m dém ka:ngge:la bí méngkang. Ru:msé aipé napí-naré:ma:pé ila dung. Sampékko rége:la pédbín mílo ka:poyé émna Sampékko réto. .Odokké mokorang yednam kídí:démsin darpu:to. Namyi:- namsodém sin anna:ma:la namponé tulangko sin dukandok ré:ge:la ablíkto. Su:pag nampo -namanpé du:la:yébo.
Ru:m do tedla du:nané sokiyésin kama:la soki:ko odokké Pangkako dukandok dugdanna rége:la langa:to.Tani:dé Ru:m dém pédbín-mobín, napí-naréng, odokké dungko atídém mosí:dodoi aiyo:pé tedla du:bektoma. Éddído Re:l dé ku: ku: émna kunamko tatpa:to. Station dok soki:dardé warning Be:l dém kling kling émna manto.
Stationdok agom liya:né tani:dé maigdo ludung-
'Namonimua Trainkhon khontek pisote 1 Nombor lainot ahi pabohi. Hodahoi Jatrihokolok jonua hol' Hubhojatra. Dhonyobad. '
Édém taddan -ge:la tani:dé bík waitting Ru:m dok ménam attar kídí:dém amírdo bínomla Re:l dém mala gílentoku. Re:l dé dukpí:dankan odokké tani:dé sengge:la gípakkangku. Bík mé:bomsula rénam attar kídí:dé oddung du:pakkang.
Tani: sí:sa:sé lo:tungongko.
Doksiri দকচিৰি, ছেপ্টেম্বৰ, ২০২৪
No comments:
Post a Comment