শান্তিৰ সুবাস
দীপ্তি ঠাকুৰ গোস্বামী
শৰতৰ বতৰা পাই
উজলি উঠে শুভ্র শেৱালিৰ দলিচা
হাস্নাহানা মাধৈমালতিৰ সুগন্ধি সুবাস
স্নিগ্ধ নিশাৰ
ৰূপালী আভাৰ পৰশত
সৌন্দর্যময়ী ধৰিত্ৰী আই
কপাহ কোমল মেঘৰ অহা-যোৱা
নীল আকাশত তিৰবিৰাই অলেখ তৰাই
কঁহুৱাৰ লয়লাস ভঙ্গিমাৰে
মা দুর্গাক আমন্ত্ৰণ কৰে
কি অপূর্ব মিলন
শাৰদী ৰাণীৰ আগমনৰ মধুৰ ক্ষণত
পূজাৰ বেদীত মা চামুণ্ডাক প্ৰতিষ্ঠা কৰি
সুগন্ধি ফুলৰ দলিচাৰ মাজেৰে
মা দুর্গা তোমাক স্বাগতম
দানৱক বধি মানৱক দিবা শান্তি
ধ্বংস কৰা দানৱৰ স্থিতি
মা দুর্গা তোমাৰ চৰণত এপাহি গন্ধপুষ্প নিবেদিলোঁ
হে দেবী কাত্যায়নী, দানৱ ধ্বংস জল ছটিয়াই দিয়া
আৰু ছটিয়াই দিয়া প্রকৃতিলৈ শান্তি….
Doksiri দকচিৰি, অক্টোবৰ, ২০২৪
No comments:
Post a Comment