হে নাৰী তুমি অনন্যা
ৰাস্না গগৈ
গোলাঘাট
ইতিহাসৰ বুকু ভেদি
দেখিছো তোমাৰ মহত্বতা,
জ্ঞান, বুদ্ধি গৰীমাৰে মহিয়সী
নাৰী তুমি অনন্যা...
সৃষ্টি স্থিতি লয়ৰ গৰাকী তুমি।
শিক্ষা- সংস্কাৰ আৰু বিবেকক
কাষত ৰাখি ভেঙুচালিকে
সন্মান বুলি মানি গৰ্বিত হোৱা
নাৰী তুমি অনন্যা।
কাৰোবাৰ তুমি মাতৃ
কাৰোবাৰ আকৌ বাই ভনী
কোনোবা জনৰ বাবে আকৌ
মমতাময়ী তৃষ্ণাৰ সুধা।
প্ৰেমৰ প্ৰত্যাসী
নাৰী তুমি অনন্যা।
জীৱন সাফল্যতাৰ সুন্দৰ প্ৰতীক তুমি।
মানবীয়তাৰ অলংকাৰ তুমি নাৰী।
Doksiri দকচিৰি, ছেপ্টেম্বৰ, ২০২৪
No comments:
Post a Comment