.jpg)
তোমাৰ চিফুঙৰ সুৰত
ৰঞ্জন বর্মন
বগীনদী, লখিমপুৰএঙেৰুৱা মেঘে আহি জোনটোৰ স’তে
ঢাকি থলে আকাশৰ তৰাবোৰ
বাট হেৰুৱাই পানীপিয়া চৰাই এজনীয়ে
মূৰ আফলীয়াইছে নিথৰ শিলত
উঁইচিৰিঙা মাতত
শীতত কঁপি কঁপি গছৰ পাতবোৰে
বাছি লৈছে মৃত্যুৰ ঠিকনা
এনেকুৱা হাজাৰ ৰাতি
বুকুত বান্ধি
মই ৰৈ আছো তোমাৰ বাবে
নৱজাগৰণৰ সুৰ এটি হৈ
তুমি আহা
তোমাৰ চিফুঙৰ সুৰত
গলি গলি নিঃশেষ হওঁক আন্ধাৰ আমানিশা
Doksiri দকচিৰি, ছেপ্টেম্বৰ, ২০২৪
No comments:
Post a Comment