এখন হালধীয়া ছবি
ৰঞ্জু গায়ন বৰুৱা
নামৰূপ
লহপহকৈ বাঢ়ি অহা
খিলখিলাই হাঁহি থকা,
মোৰ হৃদয়ৰ সৰিয়হ ডৰালৈ
ক’ৰ পৰানো আহিল
অচিনাকী পৰুৱা
মোৰ নাকে কাণেদি সোমাল,
কুটি খায় নষ্ট কৰিলে
মোৰ হৃদয়ত হালধীয়া হৈ
ফুলি থকা সৰিয়হ ডৰা
মই কেনেকৈ ওখ হওঁ
সৰিয়হ হালধীয়া হৈ
ভাল পাওঁ তোমাক ক’বলৈ
কেনেকৈয়ে
পলকহীন নয়নৰে
চাই হেঁপাহ নপলোৱা মূহুৰ্ত
ধৰি ৰাখিলো আবেগেৰে
সপোন নচা সুপ্ত হেঁপাহ বোৰ।
দুচকুত সিঁচি থলো
কবিতা কবিতা লগা মনটো
পলসুৱা হ’ল
মোৰ প্ৰাণৰ কবি হাতত ধৰি
হালধীয়াত উবুৰি খাই পৰিলো
হালধীয়াত অঙ্কিত হ’ল
এখন সচাঁ ছবি !!!
Doksiri দকচিৰি, ছেপ্টেম্বৰ, ২০২৪
No comments:
Post a Comment