শৰৎ তোমাৰেই নাম
ৰূপালী মেধী নাথ
শৰৎ তোমাৰেই নাম
নীল নভৰ বুকুত
শুকুলা ডাৱৰবোৰে
খেলিছে লুকাভাকু
দিগন্ত বিয়পি...।
শৰৎ তোমাৰেই নাম
কঁহুৱা ফুল ফুলি
নাচে হালি জালি
মৃদু মলয়াৰ বা লাগি…।
শৰৎ তোমাৰেই নাম
বিলাই আমোলমোল সুগন্ধি
পুৱতি বেলাতে ফুলিছে শেৱালী
দেখিবলৈ কি যে শুৱনি...।
শৰৎ তোমাৰেই নাম
টোপাল টোপাল নিয়ৰে
মুকুতাৰ মালা গাঁঠি
দুবৰিৰ বুকুত যেন
দিছে দলিচা পাৰি....।
শৰৎ তোমাৰেই নাম
নানা ৰঙে ৰূপে
ফুলি ভেট পদুমে
দিপলিপ গাভৰু হৈ
সৰসী তুলিছে সজাই....।।
Doksiri দকচিৰি, অক্টোবৰ, ২০২৪
No comments:
Post a Comment