LO:TUNG
Tuniram Médog
Élé yumrangé:lok
Anu si:sang pundugdo
Namkíma:nam appun arídégom lo:tuga:ko,
Ayir ésaré ri:yidla
Punsub kumíloi kéra:pé
Béral ka:né kakuma:bo.
Mo:nu amongém mé:tínsula
Tupumé arígém obu:sula
Ro:ayirdo:pé tangaré
Mé:bo mé:mín sunamdégom lo:tungo:ko,
Aín doksiri ri:namém
Do:nyi inggangé miga:míloi
Mé:bo mé:míndé kakuma:bo.
Do:nyi mure pía:do
Ngadné mukkangé ase:la
Moru:nam i:né lé:bangé
Édé kangkandésin lo:tungo:ko,
Pédong miksi dítékumíloi
Abínné do:mírtém se:kosin
Miksa:la ka:né kakuma:mílo.
Opan réngamlok pangkamém
Kémo lambélog rotpé rotpagla Murkong bírémsula pakkípé
ruitun sunamdigom loitungorko, Gu:tum sunamdígom lo:tungo:ko,
Go:lulok miksi sikuré
Turnamdém rodbomkumíloi
Bím sé:kosin du:té:so
Aidagai émné kakuma:bo.
Doksiri দকচিৰি, অক্টোবৰ, ২০২৪
No comments:
Post a Comment