MÉ:DÍR MÉGU

 

MÉ:DÍR MÉGU

                      Madan Pegu

Appí:loi rongngamné ayiré

Émdaggom…

Mé:dír lamtém page:la gía:dung

Írdí mé:po.

Adjouko mé:po agomko

Jé:danna lulí:dag.

Tatkin tatkinma:nam péttang ni:tomko…!

Nampo:n ésarbí sara:bombidag

Amírsok i:é ngarsa:dag

Angké:sok lé:sinam do:yingko.

Adi:to dongeyé ngomdag

Nok tatpon gomugdo,

Yummiém yogmodag

Siyo Oikoliké jé:namdé

Turnam ngasod ara:dosin

Í:r pongkírné ma:nyingé, 

Asin mé:sar sunané,

Ansí:p mé:pol du:nané.

Doksiri দকচিৰি, ছেপ্টেম্বৰ, ২০২৪