NO ÉSA:DUN
Anil Mili
Telam Rangoli, Jonai
Amír míryadop toyala:sin nom
Po:pék do:nyingém kípé émna
Kintomang ngo nom
Asin arang po:yubdo
Ayang gadu bila:tomang
No ésa:dun !
Édémpé mé:tomang
Aropé kintomang....
Turna:né pékang pododo
Nok phone pa:tokumang.
Tatbeksuge:la nok do:nyingém
Su:pak kapé dun !
Aropé aidupé Anu ajon pa:la
Anu érang ukyumdo no !
Lékoném tao:langku Nom mé:pa:la…
Saki romna dung mikjemla:
Aropé mitpandungkune....
Nok agom tatla: tatla:
Ngo du:mi:la du:lamang
Tetkolo lambé gíkolo.....
Nok do:nying mé:pa:dung
No ésa:dun !
Érang lédulo lékopé du:lang
Donam tí:nam tatmínsulang
Léko dakorém kormín sulang,
Méyum manyi:bo ka:to
No aropé gi:la dung
No ésa:dun !
Doksiri দকচিৰি, ছেপ্টেম্বৰ, ২০২৪
No comments:
Post a Comment