TUMKANG

TUMKANG

Anuj Yein

     Aríg ru:tum ta:to Migladbí so:bo adorko aríkdo a:m dokapé gíwa:do:dém tukundékki érsod líkto.Bí posala aríg ajon Pirme:bím lugéng ge:la duksikang.Odo do:lung réngamé Pirme:mé sogabla so:bo adorko rémotoku.Kapinyen su:pag Pirme:bí mé:dír mé:la long-koném bí Namgor gíge:la ru:né-pínémé kulíkto,Ngom sémpé lugéng ge:la ngasod moné dé:sin pa:sulangka  émna peto.Do:lung réngamé ngok psula lunam agomdém tattoo mang.Ngo opané okkosin ngolukké kamang.Émdaggom ngo so:bo adorko rébitakkkubong.Ngom dan saggém gumoyoka.

     Odokké, dítag angkéng lédupé ta:to Migladbí so:bo:démoé ombe émna jé:la jé:la kabdungai.Lédupé Migladbí édé asin agomdém lusar suma:la abako kinam a:la lutum luala, apin-así dola:tokumang,Okum ara:do tumna dungkang.Pinsu pinmula ngék-gol dungai,

     Odo, Réngam tani:ye appíngéi kinto, Migladbí édé so:bo:dog létíg-dém érsodné.Pirme:mé émmímpé lugéng kolo édémpé Migladbí bí aro agomdém lusar suma:la sakkí: sakkí:la ombe ombe émna sidag ayirdo sikang.

Doksiri দকচিৰি, ছেপ্টেম্বৰ, ২০২৪