ANU MA:NYING
Tuniram Médok
Gíbídné adíém mépag mépagla
Dítaglog léddarké longkído,
Boríksudo Anu dítagém
Anu mé:lotko mé:la.
Longkuné mé:lodém mékutsula
Yuppusuné yorang kídísudo
Agín gílodém ménla,
Gítído no totéma:pé
Anu turgod alamém lamla.
Tani: yura:lo durbutsula
Ti:né koné ngasodém,
Lé:si lé:romma:pé lutoma no
Asin méngki mé:ramém ka:la.
Ngasodém yonlusula
Ase:ma:né ma:nying kíjoném
Mé:tíd mé:to no,
Ékérma:né asin mé:lodém
Lékoda boríksukupéke
Nargo:nam loladé lada:la.
Gíbídné longé kídí:dok
Ngasod mimagém mé:tídge:la
A:péné dítakso appí:pé,
Ase:la mé:po pokodo-
Arainé sagíém mépagla
Ainé adí lékorém korlai
Anu ma:nyingém ma:la.
Doksiri দকচিৰি, জানুৱাৰী, ২০২৫
No comments:
Post a Comment