AYANG PA:RÍNG

 

AYANG PA:RÍNG

Krishno Dole:

Majuli

   Karmi bíla Migombí koles poko ayirdo kangkin ka:munsuge:la akoném akoné aipé méngka:mínsukang. Édémpé díttak appiko (BA) pongabgela aík aíké okumpé gípan sudakku. Odopésin Karmi bíla Migombí aipé mé:nam agomdém aíké néppaki sé:kosin lutomang. Édémpéi anyidé gípan sudakku. 

       Longékoném díttak aum lédípé Karmibí Migom ager (sorkari sakori) pa:la opispé gíddom karmik ga:ridé bagémpé lambédo aima:pé idag. Émpila driverdém ga:ridém mosí:pota:ka émna luge:gela karmibí lamté ru:yido toya:la du:dag. Karmiké driverdé dé:ri:la line ga:rilo gípé émna ajjouko gíbadla gídag. Odo ayirdo Migombí dukpaddag. Karmibí Migomé alagdém lagyi laksa:la rokaidag. Migombí ajjouko dugbadla garidém rokaidag. Karmibí Migommé kanggela ka:motsula taudag " Migom no kapé so ga:ri driverpé ila du:je ? Migombí ludag ngo silopakké driverpé ila ba:ra dugdung. Kapikan ngo driver émna lupo sulu:ma:ne ? Odo karmibí Migommé ludag ma: no aipé ponamésin aidagai ainé sorkari ager gerkandagai émna mé:la ludungana. Odo ayirdo karmiké opis dukpíla Migombí ludag sa: no gí:tobong nok opis dukpí:tobong.

       Karmibí migomké agomdém mé:mid sulama:la mé:motsula opispé gía:dag. Odo Migombí ké:la ludag éi bai baradém bitopen? Silo ngok dukpo:ngarnam sé: barré. Odo karmibí migomké ké:rapé gíladge:kula murkodé bidag. Odokké opispé mé:dírra gíyadag. Migombísin karmiméka:la mé:dírra gípagdakku. 

          Édémpé longém longépé ríksuka:mísula asin aomg kíka:mínsula karmi bíla Migomké anyidé aipé méngka:mínsula binyik ayang pa:rígdé parrikka:mínsulang. Kapé Ísing pa:ring pardagné édémípé bínyik aya:dé parpumsukangkung.

Doksiri দকচিৰি, জানুৱাৰী, ২০২৫