TANGAR APPUN

 

TANGAR APPUN

                      Tuniram Medog

Po:lo loladém nertídla

Tangar oné yumédo,

Mé:dírém mé:pasuné asinso

Sí:sang sí:tíd ménggoko

Asin yabgom rankídag.

Dépémumpé mé:daggom

Nom ngo lekoném

Mé:nyigko mé:pé madogom,

Mé:yémílo lédupé

Noggíngkodo lékokupé idag.

Dígín síkírém írsula

Galug gasor kama:pé,

Turdagsiméi lamtélo

Yubgo:né asiném

Kinge:la:sin no asé:lígdag.

Pundug pétu appunlo

Takar moimangém tíla tíla,

Adí kinsuma:pé no

Kémo píang kinma:pé so:dag.

Línge:né ro: ayirdo

Tangar aín appuné

Lo:tung miksi dímíloi,

Jí:ma:né ma:nying kídí:dé

Nok asin kérang ara:lokké

Mikkíkoté toyal duma:pé

Mo:téng mo:té:pé gígéndag.

Doksiri দকচিৰি, ডিচেম্বৰ, ২০২৪