YALO

 

YALO

                Madan Pegu

Do:nyi lí:sa:dokké

Nok yaloko  turdak takamso

Angkir ugladla ager gerge:la

Ngatu ngabogla ngapin sudodo

Tí:líng asin ongkagdo

Nok yaloko sagra sukoko.

Asin ara:bok jintumla 

Lé:nam ayang abu:dé

Go:sa:la gíné ayang jili:dé

Bidyag bomna pu:mu asidé

Ma:nying appun lottadém

Lumtid bomdung.

Apir apirpé tíkumsunam

Yí:nyi lang angngo dítag 

Ayang amín payegdém

Lumtidbomdung.

Dísang bírdug po:lo yumédo

Angkirpusagla okum karédo

Ayang tamuli kíkolo

Éddí yuméko kíyupsuton

Kinso:ma:pé yoga:bomdung.

Do:lung tung-gé:do

Oa:ng do:nyimé

Ka:yupsukolo lamté yoggékang

Tutum tulumla pitum pilumla

Íksíng-go:yin loladém 

Pisu pimu:la ri:su ri:mula

Ta:ng alégém ri:pe:sudung.

Turnammumko émna turdung

Ka:né ka:dung ka:popé

Kunbumsula lé:tung

Asin agomém

Ya:rídbomdung mé:bo a:pugé

Madung nok ansí:n yalodém.

Doksiri দকচিৰি, ডিচেম্বৰ, ২০২৪