Asinbo Mé:bo Do:yingko..

 

ASINBO MÉ:BO DO:YINGKO...

                                        Bishnu Padi 

                                          Lakhimpur 

Yummi a:tomang 

Kénongé katomang 

Ngasodé turyi:sokké yoktomang

Gejig gero:né amo:so

Aso aso:pé sana:dung 

Ngok asin mé:boé

Do:nyié sangge:l oa:tíye

Turdoso ngasodé du:tí:ye

Yumélok yurubé

Longélok ruwadé

Ngok asin mé:bodé….

Ngok mé:bo agomko su:sin dung Sé:komsin lubisula:ma:namko!!

Lubisula:ma:pé idung

Ajon arumlo

Ngok mé:bo agomém

So:yuké kapkansukanpé

Do:mírké mírkamsukanpé

Aíké mé:po mé:dír agomko

Su: ya:yang

Asin arang arango:bo

Alum alumpé lumpumsudung 

Ngok mé:bo agomkídí:dé

Édílai mé:mi mé:mila mé:sudo

Aropé dupagdan-yebonéi 

Ngok mé:bo doyi:dé…

Doksiri দকচিৰি, মাৰ্চ, ২০২৫