মৗঃনাম অই আহিবা লৃগাঙৰ বতৰতে
বলিন বৰদলৈ
আলামি, গোলাঘাট
মৗঃনাম অই এইবেলি আহিবা
আলি আঃয়ে লৃগাঙৰ বতৰতে
তোমাৰ কাষলে গৈ
যাচিম এবুকুৱা আকলুৱা মৰম ।
চাঙঘৰত উঠিম গৈ সংগোপনে
যাচিবা এপিয়লা পঃৰ আপং
পোৰা মাছ আৰু গাহৰি মঙহৰ স’তে
ৰাগি লগাই জুতিৰে
পি খাম দুয়ো একেলগে ।
অ’... এটা কথা
আমাৰ গাঁৱৰ ৰাইজে
চাঙঘৰত উঠা দেখিলে
এঘৰীয়া কৰিব পাঁচ বছৰৰ বাবে
দহ হাজাৰ এশ এটকা জৰিমনাৰে
প্ৰায়শ্চিত্ত কৰিব -
তোমাৰ মন মোৰ মন এক হ’লে
কি কৰিব অসমীয়া কলিতাৰ জাতিকূলে ।
পলুৱাই লৈ গুচি যাম বহু দূৰলৈ...
দুয়ো মিলি সাজিম সোণৰ সংসাৰ
দুয়ো দুয়োকে বান্ধিম জনম জনমলৈ ।
মৗঃনাম অই সঁচাকৈ আহিবানে
লৃগাঙ চোৱা চলেৰে
দুয়ো পলাই গুচি যাম বহু দূৰণীলৈ ।
Doksiri দকচিৰি, মাৰ্চ, ২০২৫
No comments:
Post a Comment