তোমাৰ বাবে নিলিখো মহাকাব্য শকুন্তলা
হিমাংশু কলিতা
গোলাঘাট
তোমাৰ বাবে নিলিখো মহাকাব্য শকুন্তলা
যদিওবা ফুলিছে মনৰ ফুলনিৰ এটি দুটি কলি
ইন্দ্ৰমালতী খৰিকাজাই আৰু ৰজনীগন্ধা
তথাপি তোমাৰ বাবে নুগুঠো মালা শকুন্তলা
মনৰ কুৰুক্ষেত্ৰত বাগৰিছে এটি দুটি যুদ্ধা
কোনোবা যুদ্ধাঘাট কোনোবা বের্ত্যাঘাট
শব্দৰ তীৰত নিগৰিছে হৃদয়ৰ তেজ
মৰহিব ধৰিছে তোমাৰ স্পর্শত ফুলি উঠা হৃদয়ৰ ৰক্তজৱা
তোমাৰ বাবে নিলিখো মহাকাব্য শকুন্তলা
বিশাদৰ নেওঁতা লিখি লিখি
আশাত সাউদৰ কজলা নাওঁ মেলি
সুপ্ত কলিজা লুপ্ত কৰি
শুকান পৰিব খোজা কলিজাৰ কজলা কলিত
ৰোমিও জুলিয়েটৰ পৰা ধাৰ কৰা মৰমকণ ঢালি
তোমাৰ বাবে নিলিখো মহাকাব্য শকুন্তলা।
Doksiri দকচিৰি, মাৰ্চ, ২০২৫
No comments:
Post a Comment