ফাগুনত বিৰিখৰ ধৰ্ণা
সত্যজিৎ গগৈ
জখলাবন্ধা, নগাঁও
ফাগুনৰ শুকান ধূলি
আৰু সৰাপাত বোৰে
সেউজীয়া জীৱন এটা বিচাৰি
সমবেত হয় ৰাজপথত।
সিঁহতৰ দাবী বসন্ত
কাৰণ ৰুক্ষ ৰঙা ফাগুনে
তোমাৰ মোৰ দৰেই
জীৱনবোৰ সঁজাই তোলে নতুনকৈ।
লঠঙা ডালবোৰে ধৰ্ণা দিয়ে
বিচাৰি সেউজীয়া চোতাল
য'ত সৃষ্টি হয় নতুনৰ
য'ত পোৱা যায় নিৰ্মল উশাহ
জীৱনটো জীয়াই থকাৰ।
Doksiri দকচিৰি, মাৰ্চ, ২০২৫
No comments:
Post a Comment