সপোনৰ আট্টালিকা
নিলুফা ইয়াছমিন
বঙাইগাঁও
নাজানো জীৱনৰ মূল্য কি ?
নাজানো জীৱন বৃক্ষৰ
অমৃত ফল কি ?
মই কেৱল আশাৰ সাগৰত ডুব যাওঁ,
সপোনৰ আট্টালিকা সজাওঁ।
পখীজাকৰ লগত আকাশ লৈ উৰা মাৰোঁ তৰা বুটলি কোঁচ ভৰাই লৈ আহোঁ।
সেউজীয়া খাহঁনিৰ মাজে মাজে পখিলা বিচাৰি ফুলৰ মালা গাঠি লওঁ।
নদীৰ পাৰত মলয়া
বতাহজাকত মাছৰ
খলকনিত সাতুঁৰি-নাদুৰি জীৱনৰ অমৃত বিচাৰি পাওঁ।
এন্ধাৰ ৰাতিত পিৰালিত বহি আকাশৰ জোনাক দেখি ভাল পাওঁ।
ৰাতিৰ গভীৰ টোপনিত লালকাল হৈ মই সপোনৰ আট্টালিকা বনাওঁ।
Doksiri দকচিৰি, ফেব্ৰুৱাৰী, ২০২৫
No comments:
Post a Comment