Télé Yinggoné Mukkang Kí:rí:té

 Télé Yinggoné Mukkang Kí:rí:té

Mg. Triranjan Taid

                    (1)

Télé yinggo:né mukkang kírí:té

Ané abu kama:né omma:ma

Ajona

Bulukkésin Oné ané-abbo dung

Kapé du:ji-

Nokké:lang ngokké Oné ané-abbo;

Bulu miksi díla kabye:mílo

Pédopé ansíng orra: sí:lung yirmo:dag

A:ném kénong orra gelub ge:mo:dag

Ga:ném télub téla aki: yirmo:dag.

Arro 

Agomdé Do:nyi:témpé arro.

            (2)

Lékoném ngo -

(Ko:ka:do)  kinma:la Ya:yo ta:tomé tauto

Ya:yo:a ya:yo:a Ta:toa Ta:toa

Télé do:mír tayo:tok yinggo:né mukkang kírí:té sékké onam ao omma:ngén ??

Ta:tobí tosa:la lubikang-

Sidé mo:di:sok billa du:né a:né 

Ga:né  kírí:séi buluk oné abbo

Bulu  kabye:mílo

Pédo:pé miksi díla si:lung yirmo:dag

A:ném yirmo:dag

Ga:ném yirmo:dag.

Ajona- 

No kinnang -

Appíngké

Oné ané-abbo mé:nam mé:boko  kado - -Onam omma:ngé

A:né a:bung onam 

Télé mukkang kírí:témpé

Do:mír tubga:sudopé aila yenamko

Turnam igjum ígla yenamko

Kapé

Télé mukkang kírí:té sí:lung sí:lungpé

Asi tola tola mo:di: ayang ordoji  !!!

Doksiri দকচিৰি, মাৰ্চ, ২০২৫