APONGÉ OPAN MODAG

 

APONGÉ OPAN MODAG

                                          Oboni Mili

                                                 Guhati

Bojko apongém tíyémí:lo

Taniké aki ramnam a:dag,

Dakto:ré kapíd lamala

Réngama!

Ya:me-ya:mepé sidag.

Apo: tíngursuné tanié

Tamyo kamané Simnyopé i:dag,

Pamín démmín sudag

Ajon-arum lédulo -

Réngama !

Ainé mittup aima:pé idag.

Apongé opan mo:dangné

Apongé opan mo:dag,

Bojéko apong tínggela

Ato-Ayo lédulo 

Anyíngkama:p so:dag,

Apongé appíngké

ru:lam-ikamém 

mitpan sumodag.

Bojéko apong tí:né tanié

Panggela:sin pa:mang

Pa:mang émna

Jé:lad-kuladdagné

Uyo mo:nam ageré

Aimapé idag,

Ainé tani: luyirém 

tatkumapé idag -

Rengama !

Bí ayné réngamlok 

Aimané tani:pé idag.

Bojéko Apong tí:né tanié

Aí:ké kumsung a:mém

kopaksugel, Ajjioné

Amik kumsulok rédag,

Réngama !

Tíngursuné taniém

Ainé tanié jonsulíma:pé idag.

Apongé opan modagné

Réngama !

Apongé opan modag.

Bojeko tí:yemílo

Ge:mín-pamín sudagné

Néng ommangém,

Bíro-bírmangém

Apongé opan mo:dang

Réngama !

Apongé opan mo:dag.

Doksiri দকচিৰি, মে, ২০২৫