NO: SÉ:KON?
Sumidhar Padi
Gogamukh
Anéké gompiré jé:la kabdung
Singag singagla ponnéi kama:yemílo!
Dobur Po:rag bulusin saggém gídung Lígang bísín miksém dídung singgi: gi:pun punto:i kuma:yemílo!
Oné anéké binam nappa:soi tayyummang
Anéké gompirém réngam ara:loi ludunggom,
Gu:mín buluké do:yingkoi kíbín bila:ma:du:ng
Ote ome bulum asin ara:bo dekkoi kindunggom!
Yokpéké émna pésopé mé:dung anéké agomsé
Inglis Ayangé A:né: asipé tésa:bomdung,
Rotyepé émna asinsé kidung
Abuké do:yi:sém Inglis agomsé néyi: nénganpé: jarsa:bomdung!
Ngokké Ta:to: Ya:yoké dungko méromém la:pe:ndung
Silo kinné siksula,
Aíké du:lod daglodém mé:nyok bomdu:ng
Si:lo amiké gélod bomlodém aipé mé:ya:la!
Doksiri দকচিৰি, মে, ২০২৫
No comments:
Post a Comment