.jpg)
ৰেণ্ডমাইজ্
অংকুৰিতা ফুকন
১
মই তৰা হোৱাৰ কথা কওতে
তুমি কৈছিলা আন্ধাৰ নামিবলৈ নিদিও…
এতিয়া আন্ধাৰ ৰাতিবোৰত
তৰা হৈ তুমি উচুপি আছা মোৰ ফালে চাই…
২
ডাৱৰৰ চাদৰৰ আঁৰত তুমি লুকা-ভাকু খেলাৰ পৰত ভাৱিছিলোঁ
ময়ো হেৰাম তোমাৰ অগোচৰে
এতিয়া ফৰকাল আকাশত তুমি উজলিছা
আৰু মই জ্বলিছোঁ তোমাৰ বিৰহত…
৩
তুমি এবাৰো উভতি নোচোৱাৰ অজুহাতত
ময়ো উভতি নোযোৱাৰ সিদ্ধান্ত লৈছিলোঁ
এতিয়া আমাৰ শৰীৰত বিচ্ছেদৰ কাঠফুলা
প্ৰেম কি এনেকৈয়ে শেষ হয়…?
Doksiri দকচিৰি, এপ্ৰিল, ২০২৫
No comments:
Post a Comment