SO:YUKÉ KAPKO LAMBÉDOK

 

SO:YUKÉ KAPKO LAMBÉDOK

                                       Tuniram Médok

Kangkinma:nam ésaré moru:líkko

So:yuké kapko lambédok,

pundug ke:dang appuném

Lékopé goksula oido no

Jojogé boríksunamém anla.

Do:nyi tungkondo mo:té:pé

Kekon-kesag do:mír ésardo

Ngomdung, Dumdum, pempa, gunggangé,

Tonosuma:né asin rongkidé

Béyag béyakpé otídung

Gíyi:namém nom ka:la.

Pédo:miksi dínamém anla

Dunggén aríg rígangé:lé,

Kénong sakkep-kebla

Adírém ukka:sudung

Longku dogang sagíko.

Yumrang appun namkodo

Totédma:pé yumínpé madung,

Nok angké:dok pedlenné

Mí:bo mé:mínsuné ni:tomko.

Adi:tém dosugné mukkangé

Mébo midang dangkodo

Ka:pí:la:mapé déggodung

Mukkang do:lu:to gipuné,

Togéru:sunam ayangém mala

Bí:sin yi:leddungku amo:so.

Rongngampé bidla du:né a:nélé

Nok abo-bonamém anbeksula

Boríksupé madung,

Anu si:sang bírdukko.

Muri:né ésardo jauboné

Nok mé:bo mé:tomém tadla,

Lékoda mé:po-podungku

Sanla du:né asindo.

Doksiri দকচিৰি, এপ্ৰিল, ২০২৫