এটা বিন্দুক কেন্দ্ৰ কৰি
পৱন বৰ্মন
(১)
কিমান মৰা মানুহৰ
লগত কথা হওঁ!
তাৰ পাছত গাটো নোধোও
মোক লগ পোৱাবোৰে ধোৱেনে?
(২)
ঘৰ সাজোঁ
ভাত ৰান্ধোঁ
কথা পাতোঁ....
কেতিয়াবা জী উঠোঁ আৰু
জীয়াই নথকা মানুহক মনত পেলাই কান্দোঁ
(৩)
মোক মাৰি থকা
পোকবোৰকো নামাৰোঁ
ভগাই দিওঁ
(৪)
হাঁহি এটা ধাৰলৈ লওঁ
সকলো শেষ হোৱাৰ পাছত
কান্ধত কঢ়িয়াই ফুৰোঁ সাতটাকৈ গাধ
(৫)
একুৰা জুইৰ আগত
এটা
চগা
Doksiri দকচিৰি, এপ্ৰিল, ২০২৫
No comments:
Post a Comment